.gif)
يـانــوف | |
يانوف مالـي والعنـا والمشاويـر
هلّيت دمـع العيـن للّـي طرالـي
من غاب عني غاب عن وقتي الخير
من غاب عني.. كن هالكون خالي
اللي لـه بقلبـي معـزه وتقديـر
غالي.. ومثلك عارفه ليـه غالـي
لي قلب لا رفرف مع بزغة الطيـر
وقّع اذا جـا .. للمحبـة مجالـي
يانوف صمته دون معنى وتفسيـر
وش لون افسر كل شيٍ في بالـي!
العذْرِ ..وش لون اقبله دون تبرير!
بالصمت حطّـم ماضيـات الليالـي
اهل دمـع العيـن واخـاف للغيـر
تديـن منهـو راسهـا دوم عالـي
يانوف طيفه كـل ماجانـي امغيـر
دخلت في وجه الحلـوم, وخيالـي
اتخيله يمسح دموعي وانـا اديـر
ظهري.. ويمسك كل مارحت شالي
واقول له وش لون فـرّطت بي؟ميـر
الصمت عوّد به.. وعوّق سؤالـي
يانوف مالـي والعنـا والمشاويـر
قلبي من الصدمات دالـه و سالـي
..
الشاعرة (( معربة الجدين ))  فديت بنت عموووو
 ليت الوجع .gif) بعروق قلبي ولا فيك وليت التعب غلطان ساهي ولا جاك لو الشفا بضلوع صدري لداويك وأطحن جميع ضلوع صدري فداياك
| 
العرض العادي
